HAR XIL MUDDATDA EKILGAN XASHAKI LAVLAGI UMUMIY BIOMASSASINING SHAKLLANISHIDA QOʻSHIMCHA OZIQLANTIRISHNING AHAMIYATI

Abstract

Maqolada Samarqand viloyati sugʻoriladigan yerlarda har xil:-10-mart, 20-mart va 1-aprel muddatlarida ekilib, oʻsuv davri davomida 4-5 juft barg paydo boʻlish fazasidan boshlab qoʻshimcha ozuqa sifatida (Mister power, Bio Enerji, Ento Gumin, Gumiy Miks va Kaliy Gumat) biostimuliyatorlarni qoʻllab xashaki lavlagining Oʻzbekiston 83 navining umumiy biomassasi shakllanish dinamikasi ma’lumotlari keltirildi. Ekish muddati 10-martdan 20-martga oʻzgarishi bilan  navga bog‘liq holda oʻsimlikning maydon birligidagi hoʻl va quruq massaning ortishi kuzatilgan boʻlsa, 1-aprelga oʻzgarishi bilan ushbu koʻrsatkich 10 va 20-mart muddatlariga nisbatan pasayishi kuzatildi. O‘rganilgan barcha ekish muddatlarida qoʻllanilgan biostimuliyatorlarning xashaki lavlagi umumiy biomassasining shakllanishiga ta’siri ijobiy boʻldi. Eng yuqori ta’sir Mister power qoʻllanilganda aniqlangan boʻlsa, eng kam ta’sir Kaliy Gumat biostimuliyatori qoʻllanilganda qayd etildi.