GENDER TENGLIGINI TA’MINLASH ORQALI AYOLLAR TADBIRKORLIGINI MOLIYALASHTIRISH SAMARADORLIGINI OSHIRISH: O‘ZBEKISTON VA ISLANDIYA TAJRIBASINING QIYOSIY TAHLILI

Abstract

Hozirgi kunda gender tengligi dunyo bo‘ylab hamma yo‘nalishlarda, ayniqsa iqtisodiyot tarmog‘ida eng aktual mavzulardan biriga aylangan. Ushbu tadqiqotda gender tengligini ta’minlashda va iqtisodiy o‘sishda ayollar tadbirkorligini moliyalashtirish mexanizmlarining ahamiyati O‘zbekiston va Islandiya misolida qiyosiy tahlil qilingan. Tadqiqot davomida ayollar tadbirkorligini qo‘llab-quvvatlash bo‘yicha mamlakatimizda amalga oshirilayotgan davlat siyosati, shu borada  qo‘llanilayotgan moliyaviy instrumentlar va institutsional mexanizmlar hamda ularning samaradorlik darajasi statistik ma’lumotlar asosida baholangan. Shuningdek, Islandiyaning gender tengligini ta’minlash va ayollarni tadbirkorlik faoliyatiga keng jalb etish borasidagi ilg‘or tajribasi tahlil qilinib, uning O‘zbekiston sharoitida qo‘llash mumkin bo‘lgan jihatlari aniqlangan. Tadqiqot natijasida tadbirkorlikda ayollarning moliyaviy resurslardan foydalanish imkoniyatlarini kengaytirish, moliyaviy inklyuzivlikni oshirish, davlat tomonidan qo‘llab-quvvatlash mexanizmlarini takomillashtirish hamda genderga yo‘naltirilgan iqtisodiy siyosat samaradorligini yaxshilashga qaratilgan amaliy tavsiyalar aytilgan.