SANOAT AVTOMATLASHTIRISH SOHASIDA MUSTAQIL AMALIY O‘QUV LABORATORIYASINI TASHKIL ETISHNING DOLZARBLIGI

Abstract

Ishlab chiqarish jarayonlarini avtomatlashtirish va boshqarish sohasida kadrlar tayyorlash jarayonida nazariy bilim bilan amaliy ko‘nikma o‘rtasida sezilarli uzilish mavjud. Oliy ta'lim muassasalarida elektrotexnika va avtomatik boshqarish nazariyasi barqaror o‘qitilsa-da, real sanoat kontrollerlari (PLC), SCADA tizimlari va releli-kontaktorli apparatura bilan amaliy ishlash ko‘nikmasi yetarlicha shakllantirilmaydi. Bu holat laboratoriya bazasining qimmat sanoat uskunalari bilan jihozlanmaganligi, o‘qituvchi tarkibining amaliy tajribaga ega bo‘lmasligi hamda o‘quv dasturlarining texnologik rivojlanish sur'atidan orqada qolishi bilan izohlanadi.