O‘ZBEK TILIDA TABU VA EVFEMIZMLARNING ZAMONAVIY KO‘RINISHLARI

Abstract

Mazkur maqolada o‘zbek tilida tabu va evfemizmlarning zamonaviy nutq jarayonidagi o‘rni, ularning lingvistik hamda madaniy xususiyatlari keng qamrovda tahlil qilinadi. Jamiyatda aytish noo‘rin, noqulay yoki taqiqlangan hisoblangan tabu so‘zlar hamda ularning o‘rnini bosuvchi evfemistik birliklarning shakllanish sabablari yoritiladi. Tadqiqot jarayonida kasallik, o‘lim, nogironlik, ijtimoiy-iqtisodiy holat va shaxsiy hayotga oid tabu birliklarning zamonaviy evfemizmlar orqali ifodalanishi misollar asosida ko‘rsatib beriladi. Shuningdek, ommaviy axborot vositalari va ijtimoiy tarmoqlar nutqida yuzaga kelayotgan yangi evfemistik birliklarning nutq madaniyatiga ta’siri ham tahlil qilinadi. Maqolada tabu va evfemizmlarning o‘zbek tilidagi nutqiy madaniyatni shakllantirishdagi ahamiyati ochib berilib, ushbu hodisaning lingvokulturologik jihatlari asoslab beriladi.